24 чэрвеня 2025 года, да 125-годдзя з дня нараджэння класіка беларускай літаратуры Кузьмы Чорнага, прайшла рэспубліканская навуковая канферэнцыя “Кузьма Чорны: пра чалавека, жыццё, беларускае”, арганізаваная Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі.

У канферэнцыі прынялі ўдзел і прадстаўнікі ДУК «Капыльская раённая цэнтральная бібліятэка імя Анатоля Астрэйкі». Загадчык Цімкавіцкай сельскай бібліятэкі Вольга Уладзіміраўна Радкевіч падзялілася вопытам работы па тэме: “Імя Кузьма Чорны – брэнд Цімкавіч”,  а дырэктар Алена Ігараўна Пілат была адзначана Падзякай Нацыянальнай акадэміі навук Беларусі  за значны асабісты ўклад ва ўшанаванне памяці славутых землякоў Капыльскага краю.