21 чэрвеня на малой радзіме беларускага класіка Кузьмы Чорнага адбылося літаратурна-музычнае свята «Цімкавічцкія вытокі», якое прымеркавана да 125-га дня нараджэння пісьменніка і 80-годдзю Вялікай Перамогі.
Для гасцей былі арганізаваны экскурсіі, пазнавальныя квэсты і гульні, майстар-класы, сустрэчы з пісьменнікамі. Капыльская раённая цэнтральная бібліятэка ім. А. Астрэйкі, Цімкавіцкая сельская бібліятэка і бібліятэкі-клубы Браткаўская і Вялікараёўская арганізавалі інтэрактыўную пляцоўку «Дарогамі памяці» з гульнёвай праграмай «Складзi i даведайся!», майстар-класам «Франтавое пісьмо», розыгрышам «З перчыкам і смехам» і выставай панарамай «Пісьменнікі-франтавікі Капыльшчыны». Клапсіку беларускай літаратуры былі прысвечаны раздзелы выставы «Летапісец бурлівага часу», «Вострым словам набліжалі Перамогу» і літаратурная віктарына «Майстар беларускай прозы». Загадчык Цімкавіцкай сельскай бібліятэкі прыняла ўдзел у круглым стале «Кузьма Чорны. Вытокі таленту» і выступіла з тэмай «Імя Кузьмы Чорнага – брэнд Цімкавіч: з вопыту краязнаўчай работы Цімкавіцкай сельскай бібліятэкі».
