13 и 14 чэрвеня Капыльская раённая цэнтральная бібліятэка імя А. Астрэйкі прыняла удзел у XXV юбілейным Нацыянальным фестывалі беларускай песні і паэзіі «Маладзечна-2026». На мерапрыемстве была прадстаўлена аб’яднаная інтэрактыўная пляцоўка Капыльскай раённай цэнтральнай бібліятэкі, раённага краязнаўчага музея і дзіцячай школы мастацтваў. Пад адным небам яны распавялі гісторыю пра жанчын Капыльшчыны – тых, хто ваяваў, тых, хто вучыў, і тых, хто сваімі рукамі ствараў культуру.
Уваход на пляцоўку сустракаў незвычайнай галерэяй. Краязнаўчы музей выставіў на мальбертах партрэты жанчын-капылянак – удзельніц Вялікай Айчыннай вайны. Кожны твар – гэта асобны лёс, подзвіг і памяць.
Побач размясцілася экспазіцыя дзіцячай школы мастацтваў – партрэты настаўнікаў школы. Аўтар гэтых работ – выкладчыца школы Святлана Семашко, якая пэндзлем перадала цяпло і мудрасць сваіх калег.
Бібліятэчная інсталяцыя: «Беларуская жанчына — кветка на старонках часу»
Падрыхтавана Капыльскай раённай цэнтральнай бібліятэкай. Наведвальнікі знайшлі матэрыялы пра славутых жанчын Капыльшчыны.
Каб госці не проста глядзелі, а ўдзельнічалі, бібліятэкары падрыхтавалі займальную праграму.
