Студэнты Беларускай Дзяржаўнай акадэміі музыкі, кафедра гісторыі музыкі і музычнай беларусістыкі, будучыя музыказнаўцы і кампазітары разам з выкладчыкам, кандыдатам мастацтвазнаўства, дацэнтам кафедры В.М. Прыбыловай наведалі Цімкавіцкую сельскую бібліятэку. Для іх быў праведзены экскурс у мінулае мястэчка Цімкавічы, бібліятэкары распавялі аб абрадах і традыцыях населенага пункта, падзяліліся мясцовымі байкамі, легендамі, паданнямі, паказалі рарытэты, якія беражліва захоўваюцца ва ўстанове.
