У рамках абласнога праекта “Пісьменнікі – уражэнцы роднага краю” з нагоды дня ўшанавання памяці нашага земляка, класіка беларускай літаратуры Кузьмы Чорнага у Цімкавіцкай сярэдняй школе імя Кузьмы Чорнага 24 лістапада 2023 г. была арганізавана літаратурна-музычная імпрэза «Пісьменнік вялікай душы».
Гасцямі мерапрыемства былі загадчык аддзела выданняў і тэксталогіі інстытута літаратуразнаўства імя Я.Купалы НАН Беларусі Алена Васілевіч і галоўны бібліёграф НББ Юлія Амосава. Падчас сустрэчы для вучняў і настаўнікаў прагучалі беларускія найгрышы ў выкананні настаўнікаў Цімкавіцкай ДШМ і песня «Мой родны кут» . Загадчык Літаратурнага музея Кузьмы Чорнага Людміла Ніжэвіч зрабіла презентацыю фотавыставы «Краявіды Цімкавіч». Аддзелам бібліятэчнага маркетынга Капыльскай раённай цэнтральнай бібліятэкі імя А. Астрэйкі быў распрацаваны і прадстаўлены віртуальны музей Кузьмы Чорнага. Вядучай мерапрыемства была загадчык Цімкавіцкай сельскай бібліятэкі Вольга Радкевіч.