Штэйнер, І. Ф. «Мудрости зачало и конец…» або Спакушэнне Скарыны : п’са / Іван Штэйнэр. – Гомель : Барк, 2012. – 74 с.

У п’есе Івана Штэйнера на фоне гісторыка-культурнага жыцця Вялікага княства Літоўскага і ўсёй Еўропы пачатку ХVІ стагоддзя паказана постаць славутага беларуса Францыска Скарыны – заснавальніка ўсходнеславянскага кнігадрукавання, асветніка-гуманіста эпохі Рэнесансу, чалавека рознабаковых талентаў і энцыклапедычных ведаў. Робіць гэта аўтар незвычайна: праз сумяшчэнне часавых пластоў – ХVІ і ХХІ стагоддзяў, адпаведную мадэрнізацыю рэаліяў і няспыннае змяненне жанравай прыроды дзеяння. У п’есе побач ідуць сур’ёзнае і камічнае. Гэта твор і пра нас. Ці ўсвядомілі сучасныя беларусы гуманістычную вышыню Францыска Скарыны?… Задаць гэтае пытанне – і адказаць на яго чытач глядач зможа сам.