Усе мы ведаем Міколу Раманоўскага пад псеўданімам Кузьма Чорны, як класіка беларускай прозы, выдатнага перакладчыка, грамадскага дзеяча, але ёсць у яго біяграфіі і малавядомыя старонкі жыцця для шырокага кола чытачоў. Напрыклад тое, што пасля заканчэння Цімкавіцкага народнага вучылішча, дзе ён паказаў сябе здольным вучням, два гады Мікола працаваў па хатняй гаспадарцы, хадзіў з бацькам па ўсёй акрузе ў пошуках плотніцкай працы. Шмат пабачыў за гэты час гора людскога, пазнаёміўся з каларытнымі беларускімі тыпамі характараў, выслухаў шмат цікавых гісторый.

Метнавіта гэтаму перыяду  і прысвечана выстава, на якой прадстаўлены сталярныя і плотніцкія інструменты, якімі, магчыма, карыстаўся Кузьма Чорны ў перыяд 1913-1915 г.

Сучасны чалавек малазнаёмы з такімі прыладамі працы, па-гэтаму кожны інструмент падпісаны і тлумачыцца яго прызначэнне. Таксама на выставе прадстаўлены творы “беларускага Дастаеўскага” і кнігі па будаўніцтву.

Калі ласка, запрашаем Вас наведаць нашу выставу.

Вольга Радкевіч, заг. Цімкавіцкай сельскай бібліятэкі