Што такое мова? Зразумела, кожны адкажа на гэта пытанне парознаму, бо кожны па-свойму разумее значэнне гэтага слова. 21 лютага адзначаецца Міжнародны дзень роднай мовы. Для нашага народа родная мова – беларуская. Беларуская мова прайшла доўгі час, на якім былі часы росквіту, так і часы заняпаду. Былі нават такія перыяды, калі беларуская мова ледзь не знікла. Аднак, нягледзячы на ўсе перашкоды, наша мова вытрымала выпрабаванні і цяпер квітнее, займае свае пачэснае месца сярод іншых моў.

На абанеменце  і ў чытальнай зале Капыльскай раённай цэнтральнай бібліятэкі арганізавана выстава, прысвечаная святу роднай мовы. У фармаце свята акунуліся ў чароўны свет роднай мовы,  напісалі дыктоўку прысвечаную Году малой радзімы паводле ўспамінаў нашага земляка А. Астрэйкі, былі падведзены вынікі  конкурсу буктрэйлераў  «Чытай сваё!».

Бібліяняня для малышоў дзіцячага садка № 6 «Роднай мовы гук чароўны» прайшла ў Капыльскай дзіцячай бібліятэцы. Дзеці прадоўжылі знаёмства з роднай мовай, пачатае ў садку. А прыкладам сталі, безумоўна, кнігі. Разам ўспаміналі беларускія народныя казкі, разгадвалі загадкі, вучылі беларускія словы.
Дзеці падаравалі бібліятэцы свае малюнкі, створаныя па беларускіх народных казках, прыказках і прымаўках.