11 ліпеня ў Капыльскую раённую бібліятэку імя А. Астрэйкі завітала гродзенская паэтэса, зямлячка, школьныя гады якой прайшлі на Капыльшчыне, Вольга Алізар . Вольга Сцяпанаўна паведаміла аб сваім жыцці і творчым шляху, пачытала вершы.
Вольга Алізар— аўтар дэбютнага зборніка лірыкі «О тебе, моя милая Родина», лаўрэат шматлікіх літаратурных конкурсаў, член Міжнароднага саюза рускамоўных пісьменнікаў, тым не менш, піша і на беларускай мове. Асноўныя матывы лірыкі – любоў да роднай зямлі і да чалавека, пачуццёвасць, духоўнасць, повязь эпох, пошук гармоніі ў няпростым сучасным свеце. Вобразы, якія ўвасабляе паэтэса ў творах, – вобраз сучаснай жанчыны, маці, Радзімы. Вольга – маці траіх дзяцей.