Дню роднай мовы прысвячаецца

21 лютага ўвесь свет адзначае Міжнародны дзень роднай мовы. Для большасці нацыянальнасцяў, якія пражываюць на тэрыторыі Беларусі, роднай з’яўляецца менавіта беларуская мова. Роднай – значыць, любімай, дарагой, самай-самай. Беларусам многія могуць пазайздросціць: у спадчыну ім засталася па-сапраўднаму унікальная мова – самая мілагучная і самая старажытная сярод славянскіх.

Да гэтай даты ДУК «Капыльская раённая цэнтральная бібліятэка імя Анатоля Астрэйкі» прымеркавала цыкл мерапрыемстваў. У гэты дзень ва ўсіх бібліятэках установы на працягу дня супрацоўнікі плануюць размаўляць  з наведвальнікамі на беларускай мове, знаёміць з творамі сучасных пісьменнікаў і аўтараў-класікаў беларускай літаратуры.

Акрамя гэтага, у бібліятэках раёна адбудуцца тэматычныя ўрокі, прагляды літаратуры, літаратурныя падарожжы.  Кніжныя выставы пад назвамі: кніжная навігацыя «Чытаем на роднай мове», літаратурная мазаіка «Прыгожыя словы пра родную мову», выстава-прагляд «Роднаму слову – гучаць вечна» і інш.

Дзень роднай мовы ў бібліятэках

Анлайн-марафон «Роднай мовы гук чароўны»

Дарагія сябры!  Запрашаем вас прыняць удзел у літаратурным анлайн-марафоне «Роднай мовы гук чароўны», да Міжнароднага Дня роднай мовы, які пройдзе 21 лютага 2025 г.

Да ўдзелу ў марафоне неабходна запісаць відэаролік чытання верша, або прозы  на роднай мове і змясціць пост на сваёй старонцы у сацыяльных  сетках  з хэштэгам:       

#ЯЧЫТАЮ                  #РОДНАЯ МОВА