У календары ёсць такое свята — Міжнародны дзень роднай мовы, які адзначаецца штогод 21 лютага. Першапачаткова з такой ініцыятывай увесці такі дзень выступіла краіна Бангладэш.
Гісторыя гэтага свята сумная. Менавіта ў гэтай краіне 21 лютага 1957 года загінулі пяць студэнтаў, якія адстойвалі права навучацца на роднай мове. Зараз у нашым рознакаляровым і рознагалосым свеце налічваецца больш за шэсць тысяч моваў. Палова з іх пад пагрозай знікнення. Дзеля захавання моў, якія апынуліся на парозе знікнення, міжнародны фонд UNESCO абвясціў дзень роднай мовы — каб хоць у такі дзень на іх загаварылі, пра іх успомнілі…
#дзень_мовы