Архив для категории: Дети войны

Чарняўскі, М.М. На плошчы памяці маёй: вершы, паэмы, балады

Чарняўскі, М.М. На плошчы памяці маёй: вершы, паэмы, балады / Мікола Чарняўскі. – Мінск : выдавецтва «Чатыры чвэрці», 2014. – 130 с.- (Дзеці вайны).

cw3
«Трэба, каб нашчадкі ведалі, якой цаной здабыта Перамога, каму абавязаны мы шчаслівай магчымасцю жыць і працаваць, здзяйсняць свае мары…» – гаворыць аўтар гэтай кнігі, вядомы паэт Мікола Чарняўскі. Гэтым пачуццём прасякнуты радкі твораў, што ўвайшлі ў яго новую кнігу.

cw3_2

Камейша, К.В. Курганны звон: вершы, балады і паэма

Камейша, К.В. Курганны звон: вершы, балады і паэма / Казімір Камейша. – Мінск : выдавецтва «Чатыры чвэрці», 2014. – 142 с. – (Дзеці вайны).


cw2
Казімір Камейша належыць да пакалення паэтаў, што нарадзіліся ў Вялікую Айчынную вайну. Іх яшчэ і сёння, праз дзесяткі гадоў пасля тых страшных падзей, называюць дзецьмі вайны. А ў літаратуру кожны прыйшоў са сваёй тэмай, сваімі вобразамі і героямі. І ў творчасці кожнага арганічна ўплецены суровы голас вайны. Рэхам далёкіх памятных і гераічных падзей прасякнуты і творы К. Камейшы, якія аўтар прапануе чытачу ў кнізе «Курганны звон».

cw2_2

Галіноўская, Н.В. Няма даравання: вершы і паэма

Галіноўская, Н.В. Няма даравання: вершы і паэма / Ніна Галіноўская. – Мінск : выдавецтва «Чатыры чвэрці», 2014. – 66 с. – (Дзеці вайны).cw1

У новую кнігу лаўрэата Літаратурнай прэміі імя Я. Маўра вядомай паэтэсы Ніны Галіноўскай увайшлі вершы і паэмы «Пра дзяўчынку Галінку», прысвечаныя падзеям Вялікай Айчыннай вайны. Паэма носіць аўтабіяграфічны характар. Тыя пакуты, што напаткалі Галінку пад час вайны, аўтар апісвае жывой беларускай мовай, ярка і запамінальна. Кніга прасякнута філасофскім роздумам пра падзеі ваеннага ліхалецця. У творах Ніны Галіноўскай няма слова «патрыятызм», але гэтае пачуццё – у яе душы, у самой атмасферы яе твораў. Любіць родную Беларусь і берагчы яе гісторыю – заклікае кожная старонка кнігі.
cw1_2